Sijunjung (SUMBAR).GP- Tanjung nan tigo adalah: Tanjuang Sungayang, Tanjuang Barulak dan Tanjuang Alam.
Ado pulo bakambang nagari dari Tanjuang Sungayang manjadi ; Andaleh Baruah Bukik, Batu Bulek, Balai Tangah, Tanjung Bonai, Tapi Selo dan Lubuak Jantan,
Nan limo terakhir disabuik Limo Koto Nan Diateh.
Dari Arah Tanjuang Barulak dan Guguak Cino, malalui Atar badiri pulo Nagari Taluak, Tigo Jangko, Buo dan Pangian nan disabuik Nagari Ampek Koto Dibawah.
Salanjuiknyo perkembangan Koto Jo Nagari semakin batambah tarutamo dilingkuangan ditapi sungai Batang Kaweh (Sinamar) taruih manuruik aliran Batang Kuantan, tapeknyo diranah Kubang Tigo Baririk tasabuik dalam mamangan Adat :
Ba ibu ka Tanjuang Bonai Aur,
Ba Bapak ka Sumpu Kuduih,
Sisawah anak Jajatan,
Tamparungo anak Kundangan,
Manganti Jalujua Bosi,
Hinggo Paru malintang mudiak,
Silukah, Durin Gadang, Silokek ado didalam,
Hinggo Sikunci awer Saiyo.
Perkembangan berjalan terus sampai kepada Kubuang XIII, Solok, Salayo, Koto Hilalang, Cupak, Talang, Guguak, Saok Laweh, Gantuang Ciri, Koto Gadang, Koto Anau, Muaro Paneh, Kinari, Koto Gaek dan Tanjuang Balingkuang.
Makin lamo panduduak semakin bskambang sampai menjadi Alahan Panjang, Pantai Cermin, Sarambi Alam Sungai Pagu, Rantau Batang Hari, Pucuak Jambi Sambilan Lurah, yaitu daerah-daerah sehiliran Batang Hari, Lubuak Gadang, Alahan Panjang dan Muaro Labuah,
Ado pulo Alam Pauah Nan Batigo nan manuruik tutu asal muasalnyo, nan bakaitan jo Alam Serambi Sungai Pagu.
Sairing wakotu, perkembangan nagari bajalan taruih , manjadi Rantau Pasisie Panjang nan dinamoi Banda X, yaitu Batang Kapeh, Pasa Kuok, Surantiah, Ampiang Parak, Kambang, Lakitan, Punggasan, Air Haji, Painan, Banda Salido dan Tarusan.
Bapusek ka Painan Banda Salido, Ba ikua ka Aie Haji, Ba kalang hulu ka Tarusan Bayang Nan VII.
Perkembangan nan indak kunjuang padam, taruih ka Tapan Indo Puro, ka Lunang jo Si Laut,
Tahantak ka Panarik jo Manjuto, kamudian ka Kerinci Tanah Tumbuah.
* Gugusan dari Batipuah Nagari Gadang, ba kambang pulo malalui Bungo Tanjung , Jaho, Tambangan malalui Liku Lekok Bukik Barisan sampai ke Anduriang Kayu Tanam, Guguak, Kapalo Hilalang, Sicincin Tinggi, Toboh, Pakandangan, nan dinamokan Ujuang Darek Kapalo Rantau, Duo kali Sabaleh Lingkuang, kamudian menjadilah VII Koto Sungai Sariak, Tandikek, Batu Kalang, Koto Dalam, Koto Baru, Sungai Sariak, Sungai Durian, tujuah Jo Ampalu.
Kamudian tajadi pulo ”Nan Sabarih” yaitu : Pauh Kamba, Sunur, Kurai Taji. Sintuak jo Lubuak Aluang.
taruih membuek Koto jo Nagari sampai ka Koto Tangah, Kampuang Kasang, Kandih jo Nanggalo dan baakhie di Padang VIII Suku.
Bersambung salanjuiknyo ke V Koto Kampuang Dalam
#GP | Sijunjung | 9 September 2022
Tidak ada komentar:
Posting Komentar