H Epi Radisman Dt Paduko Alam SH.
Ketua LKAAM Kabupaten Sijunjung.
Sijunjung (SUMBAR).GP- Salanjuiknyo Langgam Nan Tujuah;
Labuatan Sungai Jambu,
Batipuah nagari Gadang,
Sumaniak,
Simawang Jo bukik Kanduang,
Silungkang Padang Sibusuak,
Tanjuang Balik Jo Sulik Aie,
Singkarak Jo Daniang Baka.
Sapuluah induak kotonyo :
Batipuah, Pitalah, Bungo Tanjuang, Andaleh, Sabu,
Gunuang Rajo, Barulak,
Sumpu Batu Taba,
Padang Laweh, Guguak.
Sapuluah Anak Kotonyo:
Koto Baru, Aia Angek,
Singgalang, Gunuang, Panyalaian, Koto Laweh, Pandai Sikek, Paninjauan, Jaho, Tambangan.
Bungo Satangkai Sungai Tarab inilah sebagai pangkal dari Kelarasan Koto Piliang dengan junjuangannyo Dt.Bandaro Putiah, nan diwarisi dari Dt.Katumangguangan.
Kerajaan Bungo Satangkai ikolah pulo kamudian nan dipindahkan ka Bukit Batu Patah nan balanjuik Jo Ranah Tanjung Bungo di Kampuang Tangah Diulak Batu Nan Duo, dan kamudian di Gudam Balai Janggo kini barado di Koto Pagaruyung.
Setelah badiri Kerajaan Bungo Satanggkai, bamulo dari Sungai Tarab Salapan Batu, kamudian disusun pulo rombongan perpindahan mencari tanah nan data di kaki Gunuang Marapi juo dan dibuek pulo Nagari nan banamo Dusun Tuo dek Limo Kaum yaitu :
Dusun Tuo, Balai Labuah, Kubu Rajo, Balai Batu, Kampai Piliang.
Kamudian disusul pulo dek rombongan barikuik nan manyusun nagari 12 Koto dan kamudian 9 Koto, yakni :
Ngungun, Panti, Pabalutan, Sawah Jauah, Rambatan, Padang Magek, Tabek, Sawah Tangah, Labuah
Parambahan, Cubadak dan Supanjang
Sambilan Koto didalam :
Tabek Boto, Ambacang Baririk, Baringin, Koto Baranjak, Bukik Gombak, Balantai Batu, Salo Gando, Sungai Omeh jo
Rajo Dunie.
Selanjuiknyo dibuek pulo Nagari di tanah nan data yaitu di Tanjuang Sungai nan mangiang dan kamudian banamo Tanjuang Sungayang. Ado pulo nan manyabuik Bodi Caniago nan Tangah.
Nagari Limo Kaum 12 Koto, 9 Koto diateh, itulah nan menjadi pangkal Kelarasan Bodi Caniago dengan junjuangannyo Dt. Bandaro Kuniang nan diwarisi dari Dt.Parpatiah Nan Sabatang.
Limo Kaum menjadi Lubuk Nan Tigo, yaitu Lubuak Simauang di Talawi,
Lubuak Sipunai Tanjuang Ampalu dan Lubuak Sikarah di Salayo.
Dengan pitatahnyo:
Karuah lah aie dilubuak Simawuang,
Matilah ikan di Lubuak Sipunai,
Dimasak di Lubuak Sikarah,
Dan dimakan di Sawah Tongah Limo Kaum.
Bersambung selanjutnya dengan Tanjuang Nan Tigo
#GP | Sijunjung | 8 September 2022.
Tidak ada komentar:
Posting Komentar