Sijunjung (SUMBAR).GP- Salanjuiknyo, V Koto Kampuang Dalam yaitu : Gunung Padang, Alai, Kudu Gantiang, Limau Puruik, Cimpago dan Sikucur sampai ka Tigo Koto Malai, Sungai Limau, Kamumuan dan Paingan. Kamuadian ba kambang sampai ka Piaman Sabatang Panjang, sakarek ilie sakarek ulu, yaitu Jawi-jawi, Aie Pampan, Kampuang Pondok, Pasir Pauh.
Sakarek Ulu yaitu :
Nareh, Nangguang, Apar, Cubadak aia, Sikapak sampai ka Lauik Nan Sadidih, maka ranah Pasisie Tiku Pariaman disabuikkanlah ”Nan TujuahTumpuak, Sambilan Lareh” yaitu : ”Nan Tujuah Tumpuak”- XII Koto Basi, Garinggiang, V Koto Kampuang Dalam, Sintuak Lubuak Aluang, Piaman Sabatang Panjang cukuik IX Lareh jo Rajo Barangan dan Rajo di Pilubang.
Jalur melalui ”Kubuang XIII ” dari arah Lintau Buo dan Tanjuang Barulak Saruaso, maju taruih sampai ka Koto IX nan dimudiak dan Koto IX Nan Dihilia, Saroto Koto VII ba sambilan Koto Sapuluah Jo Sisawah.
Nan salanjuiknyo tasabuik Balai Godang 16 Koto:
Adopun Koto IX Nan Dimudiak:
Kolok, Sijantang, Talawi Padang Gontiang, Kubang, Silungkang, Padang Sibusuak, Batu Manjulua, Jo Pamuatan,
IX Koto nan Ilie yakni :
Ponggang di Kampuang Baru, Tambang Batang di Batu Manjulur, Pisang Kolek di Kobun/Mundam Sakti, Gajah Mati di Ambacang Kamba/Koto Baru, Aur Kuning di Ambacang Kamba/Koto Baru, Pematang Dialai di Kobun/Mundam Sakti,Gontiang di Ambacang Kamba/Koto Baru, Muaro Suo di Ambacang Kamba/Koto Baru, dan sambilan Jo Batang Barangan di Palangki,
Samantaro Koto VII basambilan Koto Sapuluah Jo Sisawah yakni :
Batu Gondang, Koto Panjang, Aue Gadiang, Data, Baru, Tanjuang, Palaluar, Guguak, Padang Laweh Sapuluah Jo Sisawah.
Dan Koto Nan Sambilan dari Balai Godang di Palangki, yaitu :
Sosial di Sijunjuang, Gunuang Medan di Sijunjuang, Danau di Sijunjuang, Bukik Kunik di Aie Angek, Muaro Bolai di Muaro, Boduak di Muaro, Batu Mangunyik di Palangki, Somin Tato di Palangki, Dan Batang Barangan di Muaro Bodi.
Jajaran Balai Godang 16 Koto pun bakambang pulo nan disobuik : Ampek Baleh Koto Sumua Nan Joniah di Aie Amo yakni :
Paru, Sungai Botuang, Tanjuang Koliang, Aie Amo dan Maloro, nan disobuik "Limo Koto dimudiak"
Baitu Pulo : Koto Kamang, Kunangan, Parik Rantang dan Balukar Dalam, nan disabuik " Ampek Koto Ditangah"
Sadangkan Limo Koto di Ilie terdiri dari : Tobek, Timpeh, Lobuang, Jao dan Taratak Tinggi.
Ado pulo jajaran nan tasabuik "Jambu Lipo” di Lubuak Tarok, Koto Basa di Abai Siat, sampai ka Rantau Cati Nan Batigo di Batang Hari, Alam Tigo Koto Pulau Punjuang dan Rantau Nan Kurang Aso XX.
Sebuiktannyo adolah IV Koto di Mudiak Yaitu :
IV Koto di Lubuak Ambacang, IV Koto di Lubuak Jambi, III Koto Di Lubuak Ramo, III Koto Ditangah di Taluak, IV Koto DiHilia di Caranti atau Rantau Kuantan,
Tujuah Koto Sungai Lansek :
Bukik sabalah dinamoi Janjang Tuo, Siaur - Anak Timang-timangan, Sungai Lansek - Pusek Jalo Pumpunan Ikan, Muaro Kaluai - Sumua Nan Joniah, Dusun Tinggi - Sayak Nan Landai dan Muaro Takuang - Tanggo Bonsu.
Rantau Cati Nan Batigo (Rajo Tigo Selo di Batahari), Pamuncak di Koto Basa, yaitu Siguntua, Sitiuang dan Padang Laweh, Rantau XII Koto dari Lubuak Ulang Aliang sampai ka Tanjuang Simalidu sedangkan Ranah Si Kalawi adolah Rengat namonyo kini.
Akhirnyo sampai pulo ka Rantau Nagari Sambilan, Yaitu :
Sungai Ujong, Djelbu, Rembau, Segamat, Naning, Kelang, Pasir Besar dan Djelai.
Demikianlah perkembangan satu arus Panduduk Minangkabau sarato Wilayah nan dibangun dan diatur dek Pelaku-pelakunyo pado zaman dulu.
Malalui wakotu nan cukuik panjang basaroto suko - dukanyo, hambatan dan rintangan dan sebaliaknyo ado pulo hasilnyo nan bermanfaat.
Kito baru manggambarkan Arus Panduduk dan Wilayahnyo.
Kito masih alun mampakatokan tahun dan kurun, kito alum mangkaji siapo pelaku-pelakunyo dan apo peranannyo dan pengaruahnyo dan sebagainyo.
Nan kito pakatokan itu adalah LUHAK TANAH DATA Jo RANTAU PASISIANYO.
Luhak Tanah Data ikolah nan disabuik ” Luhak Nan Tuo ”
Dimano akan kito dapati Rajo Alam di Gudam jo Balai Janggo,
Rajo Adat di Buo, dan Rajo Ibadat di Sumpu Kuduih,
Dan baitupun Langgam Nan Tujuah:
Tuan Gadang di Batipuah, Junjuangan Bodi Caniago di Limo Kaum, Basa Ampek Balai, seperti Titah di Sungai Tarab, Mangkudum di Sumaniak, Indomo di Suruaso dan Tuan Kadi di Padang Gantiang.
Akhianyo:
Kurang tolong ditukuak, Senteang tolong dibilai, Kalilawa di pulau rimbang, Anak ruso mati tadabiah, Kok salah AMBO tolong ditimbang, Kok doso ampun nan labiah,
Semoga bermanfaat,
Wassalamu'alaikum Wr Wb,
#GP | Sijunjung | 10 September 2022.
Tidak ada komentar:
Posting Komentar